parivartan

kuchh baras hi bite honge
mere mun ke aangan main ,
kuchh sundar sapne rahte the .
bhigi palkon ki koro par
jaldhaar,khushi ki bahti thi

maan jharokhe se jhankta tha
bus dhire se kuchh kahta tha
aur fir baichain vivash
maan ka pankshi,
us aagan ke kone main
such ke daane chugta tha ;
har jagah rishton ke
baag bagiche lagte the
usme apno ki khushbu thi
ya kuchh apne se ho lagte the
chachi tai ki baton main
pooja ki ghanti bajti thi
us gili sondhi mitti main
paon nai fir dhaste the
aaj samay kuchh aisa hai
na hi wo sondhe rishte hain
such mashino main dhhal gaya hai
aangan kamro main badal gaya hai
un sooni diwaron par
kuchh bikhri tasvire hain
maan fir dhime se kahta hai
shayad ye parivartan hai

---