Kuhase ki chadar ordh suraj ko ugte nahi dekha....
Dekha suna to majdooro Ke addon par Khare kaam ki talash me majdoor.....
Rain bareson me kagaj lakdi ke alaw sekte log .....
Sarhadon par bandookon Ke sayo ke barfile toofan jhelte Jawan.....
Kuhase dhundh ki tikhi bayar yoon to khoobsurat yadon ka bhi mausam bhi hai.....
Par sachchai sirf bina kapdo Ke tanghal jiti
Zindgiyon me dabi .......
.phate hue honth thande sard ho chuke ungliyo Ke pore .......
Kahi kone me dubke sarko Ke kinare par WO bejuban janwar .......
Muththi bhar dhoop ki aas main wo nanhi chhoti ankhen ...
Bajre ki roti Ke char tukre kar maa bachcho ko pakrati sorf bhookh mitane ko ......
Is dhundh me main bhi dhhonti hoon kuchh yaden..........
Jo shayad hamesha dhundh me hi khoyi hongi..........
Lekin dhundh aur kuhason me chhupi ab ye kadwi sachchai me kuchh apno ko dekhti hoon.....
No comments:
Post a Comment